Tomamos como referencia o punto A da traza v, para abater o plano. Trázase por A1 unha perpendicular á charnela, que é a traza h, e co vértice do plano como centro, un
arco proporciona o punto A abatido = (A).

Unha vez abatido o plano, trazamos o cadrado de lado AB:

Trazando paralelas e perpendiculares á charnela, sitúanse as horizontais de plano que nos
darán a primeira e a segunda proxeccións do cadrado abatido:

As aristas perpendiculares ao plano serán tamén perpendiculares ás trazas. Para obter a súa
lonxitude, medimos un segmento calquera AP na perpendicular á traza h que parte de A1.
Trazamos en P1 unha perpendicular, e sobre ela levamos unha medida igual á diferencia
de altura entre A2 e P2, na perpendicular á traza v que parte de A2:

Sobre o segmento en verdadeira magnitude A(P), levamos a medida real da arista AB. Por teorema de
Thales temos a medida a aplicar na perpendicular que parte de A1, así como nas dos outros tres vértices:

Finalmente, Subimos o punto de referencia á segunda proxección, para aplicar a mesma medida
nas perpendiculares á traza v:

Enunciado: Debuxa as proyeccións dun hexágono regular de lado 15mm e centro C contido no plano a, base dunha pirámide recta de vértice situado no plano vertical V.

No hexágono regular o raio mide o mesmo que o lado. Trazando unha semicircunferencia con centro
C1, definimos o segmento que representa a base sobre a traza h, e ao mesmo tempo o abatemento
da metade desta base. Situamos os vértices e levámolos perpendicularmente á traza h:

Os catro puntos na traza h nos darán os vértices na segunda proxección. A altura deste hexágono
é a distancia entre lados opostos, é dicer, o duplo da altura do triángulo equilátero, que aparece
xa nas operacións do abatemento (en verde). Esta medida, por encima e por abaixo de C2
danos a altura dos outros catro vértices:

Dende C1 trazamos unha perpendicular á traza h ata chegar a LT. Este será o eixo da pirámide.
Logo trazamos as aristas xeneratrices:

Por último, subimos o vértice principal e completamos a segunda proxección: